بيت العيلهـ
اهلا وسهلا بيك معنا فى بيت العيله

لو كنت مش من اهل البيت

الحق وسجل معنا

خد المجنونه بنت العاقله ومتاخدش العاقله بنت المجانين

اذهب الى الأسفل

خد المجنونه بنت العاقله ومتاخدش العاقله بنت المجانين

مُساهمة من طرف لؤلؤة الحياة في الأحد نوفمبر 20, 2011 1:50 pm


ابراهيم ابراهيم قوم اصحى يا هيما




نعم عايزة ايه يا أخرة صبرى




قوم اصحى يا حبيبى




ليه هى الساعه كام




4.30




يعنى انا اتخمد الساعه 4 و تصحينى 4.30 ليه يا ظالمه ما انا قايلك صحينى الساعه 8 على الماتش




طب ما انا باصحيك من دلوقتى علشان تلحق الماتش يا حبيبتى




يا رب عوض عليا عوض الصابرين يا [ندعوك للتسجيل في المنتدى أو التعريف بنفسك لمعاينة هذا الرابط]الحلال الماتش هاشوفه فى الصاله مش فى الاستاد




عارفه بس علشان تلحق تروح مشوارك و تيجى بسرعه قبل الماتش




مشوار ايه




تروح لماما




ليه




تروح تجيبها و تيجى بسرعه قبل الماتش




اجيبها منين و اوديها فين




ابراهيم بطل دلع يا حبيبى و قوم بسرعه انا كويت لك هدوم خلاص




و الله ما باتدلع انا بس عايز اعرف هاجيبها منين و اوديها لفين




هاتجيبها من بيتها طبعا علشان هاتيجى تقعد عندنا شوية




تقعد ليه بقى




انت نسيت انى حامل يا حبيبى




لأ ما نسيتش بس هو انتى تعبانه و لا ايه




لأ الحمد لله انا زى الفل




امال هانتعب طنط ليه




يا هيما هاتيجى تقعد معانا لحد الولاده




ولادة مين ده انتى فى السادس يا حنان




اه ما انا عارفه بس انت شوفت مها [ندعوك للتسجيل في المنتدى أو التعريف بنفسك لمعاينة هذا الرابط]عمتى ولدت فى السابع




طب و انتى مالك




يا سلام يا اخويا افرض ولدت زيها فى السابع يبقى ايه العمل بقى




طب هافترض انك ممكن تولدى فى السابع رغم ان الدكتور قال ان الحمل طبيعى و انك زى الفل انتى و البى بى طنط تيجى تقعد معانا ليه




علشان لما يجيى لى الطلق تبقى جنبى و نجرى بسرعه على الدكتور




طب و هو الطلق ده بيجى فجأه مش ليه علامات




يا ابراهيم ما انت شوفت مها كانت هاتموت هى و النونو بتاعها علشان ماحدش لحقها بسرعه




ما اختلفناش بس ده لأن مها عايشه لوحدها فى محافظة تانية و جوزها مسافر لكن احنا بيننا و بين بيت مامتك نص ساعه زحف يعنى برنه ممكن تجيلك




ابراهيم ما تخنقنيش انا حامل و انت عمال تعصبنى على فكرة و انا ماسكه اعصابى عنك بالعافيه




طب اهدى يا حبيبتى بس استفسار اخير هو مش كان اتفاقنا انك هاتروحى تقعدى عند مامتك و اننا مش هانشحططها




ماما قالت مش هاينفع طبعا




ليه بس




انت عارف ان خالد اخويا فى ثانويه عامه و بصراحه ابنك ما بيبطلش شقاوة و مش هايخلى خاله يعرف يذاكر




هو خالد يعنى فالح قوى ده اللى فى سنه مخلص جيش




اخص عليك يا ابراهيم انت بتتريق على خالد طب ايه رأيك بقى احنا املنا فيه كبير قوى السنه دى




بأمارة ايه يا حنان دى تالت مرة ثانويه عامه




ما هو علشان كده دى تالت مرة بيذاكر نفس المنهج يعنى بقى خبرة خلاص




ماشى يا حبيبتى ربنا معاه بس باباكى هايرضى طنط تسيبه و تسيب خالد 4 شهور بحالهم




ما تقلقش بابا موافق و بيقول كله يهون علشان خاطرى




ماشى هاروح اجيبها و امرى لله







الله يرحمك يا امه طول عمرك تقولى لى [ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط]العاقلة و ما تاخدش العاقلة [ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط]ادينى اخدتها مجنونة [ندعوك للتسجيل في المنتدى أو التعريف بنفسك لمعاينة هذا الرابط]مجانين






وصل ابراهيم بيت حماته





ازيك يا عمى




اهلا يا هيما ازيك يا حبيبى و ازى حنان و احمد




كلهم كويسين يا عمى امال طنط فين ؟




بتحضر شنطتها و جايه على طول




طب و خالد




فى اوضته بيذاكر




طب هادخل اسلم عليه على ما تستعجل لى طنط




و دخل سلم على خالد اللى كان قاعد كالعاده على الفيس بوك و منفض للدنيا كلها و طلع لقى حماته محضرة شنطه ممكن تهاجر بيها




هاتنورينا يا طنط




ده منور بأهله يا حبيبى




معلش بقى يا عمو بس انت عارف دلع حنان انا لو عليا مش عايز اتعب طنط و الله و عايزها تفضل معاك انت و خالد هنا




لا يا حبيبى ده كله يهون علشان حنون ابقى سلم لى عليها كتير و بوس لى احمد




حاضر يا عمى




و بيبص وراه لقى حماه بيرقص من فرحته





اه يا امه على حظى







بعد وصول حماته باسبوع




هيما




نعم يا حنان




فيه موضوع عايزة اقولك عليه




خير يا حبيبتى




ماما بتعيط بره




ليه كفى الله الشر حد زعلها




اه ابنك




احمد زعلها فى ايه




بيقولها هانسمى النونه حبيبة راحت معيطه




هى مش عاجبها اسم حبيبة يعنى




ايوه خدت على خاطرها علشان مش هانسمى البنت على اسمها




نعم انتى عايزانى اسمى بنتى سكينه




و مالها سكينه يعنى




حنان بطلى جنان احسن لك سكينة ايه اللى هانسميه للبنت هى كانت عملت لك ايه




يا حبيبى مش لازم ننده لها سكينه نبقى نقولها ***كه زى ماما




ما نقولها سوكه احسن




اشمعنى انت سميت الولد على اسم ابوك




سميته على اسم ابويا علشان ابويا ميت لو امك ماتت اوعدك ابقى اسمى البنت على اسمها




بعد الشر عليها طبعا




حنان اغزى الشيطان و قولى لامك تعقل و تبطل عياط علشان العياط بيجيب الفقر



ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــ
[ندعوك للتسجيل في المنتدى أو التعريف بنفسك لمعاينة هذه الصورة]
[center]أَصّعَـــبّْ إِحّسَـــآسّْ فِــيْ اِلّحَيَـــآةْ إنِــكّ تِعّتِقِـــدّْ إِنَ لِـكّ أَهَمِيَــةْ كِبِيِــرَهْ فِــيْ قُلُــبّْ شخــص ..
و فِــيْ اِلّنِهَـــآيَــةْ .. تَكّشِــفّْ لِـكّـ اِلأَيَـــآمّْ إِنِــكّـ بِـالّنِسّبَــهْ لُــهُ .
. كــنت شَــيْ حلــوُ لِــوَقّـتْ مُحَــدَدّ .. وُ تِنّتِهِــي صَــلآحِيِتِــكّ
[/center]
avatar
لؤلؤة الحياة
ملك البيت
ملك البيت

عدد المساهمات : 720
تاريخ التسجيل : 22/06/2011
العمر : 27
الموقع : بيت العيله

http://family2012.yoo7.com/

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى